მიწისქვეშა გაზსაცავისთვის, ორი შემფასებელი ჭაბურღილის გაბურღვა, სავარაუდოდ, 31,5 მილიონი ლარი დაჯდება. სწორედ ეს თანხა დაასახელა სამუშაოების შესრულების სანაცვლოდ, ტენდერში მონაწილე "სოკარმა".

წინადადებების მიღება უკვე დასრულდა, ახლა „ნავთობისა და გაზის კორპორაციამ“ შემოსული წინადადება უნდა განიხილოს და თუ კომპანია მოთხოვნებს დააკმაყოფილებს, ის ტენდერის გამარჯვებული გახდება.

ჭაბურღილები გაზის მიწისქვეშა საცავის პროექტის, მეორე ფაზის ფარგლებში სამგორის სამხრეთი თაღის საბადოზე გაიბურღება.

უშუალოდ გაზის მიწისქვეშა საცავის პროექტის სამშენებლო სამუშაოები დაწყება 2018 წლის დასაწყისში. დასრულება კი, 2020 წლისთვის იგეგმება, ანუ, იმ პერიოდისთვის, როდესაც საქართველოს მიერ შაჰ-დენიზის გაზსადენიდან მისაღები გაზის მოცულობები მნიშვნელოვნად გაიზრდება. გაზსაცავში 300-ს მილიონ კუბურ მეტრამდე მოცულობის ბუნებრივი გაზის შენახვა იქნება შესაძლებელი, რაც ქვეყნის დღევანდელი მთლიანი წლიური მოხმარების დაახლოებით 15%-მდე შეადგენს.