ენერგეტიკის მინისტრის მიერ კომპანია „გაზპრომთან“ მიღწეული შეთანხმების საკითხზე გაკეთებულ განმარტებებს არადამაჯერებელს უწოდებენ არასამთავრობო ორგანიზაციები. მესამე სექტორში საკითხის ირგვლივ კითხვის ნიშნები კვლავ რჩება.

„ახალგაზრდა იურისტთა ასოციაცია“ ენერგეტიკის სამინისტროდან წერილობით პასუხს კვლავ ითხოვს. ასოციაციაში აცხადებენ, რომ შემდგომ ნაბიჯებთან დაკავშირებით, გადაწყვეტილებას უწყების მიერ წარდგენილი ინფორმაციის საფუძველზე მიიღებენ.

ორგანიზაცია ენერგეტიკის სამინისტროს რუსულ კომპანიასთან მიღწეული შეთანხმების გასაჯაროებას სთხოვს.