დღეს სამგორის რაიონში მდებარე კლუბ „განთიადში“ ძიუდოს რეაბილიტირებული დარბაზი ოფიციალურად გაიხსნა.

დარბაზი, სპორტისა და ახალგაზრდობის საქმეთა მინისტრმა ტარიელ ხეჩიკაშვილმა და ძიუდოს ფედერაციის პრეზიდენტმა დავით ქევხიშვილმა დაათვალიერეს.

ამ ეტაპზე, დარბაზში 6-დან 18 წლამდე ასაკის 60 სპორტსმენი, გამოცდილი მწვრთნელის, ლევან ბიგანიშვილის ხელმძღვანელობით ვარჯიშობს.

დარბაზი ძიუდოს ფედერაციის და კერძო სექტორის ერთობლივი ძალისხმევით მოეწყო. ფედერაციის და სპორტის სამინისტროს ინიციატივით კი, "განთიადი" სპორტული ინვერტარით აღიჭურვა.

დღესვე ტარიელ ხეჩიკაშვილმა ახალგაზრდა ძიუდოისტებს საჩუქრად კიმონოები გადასცა. საქართველოს ძიუდოს ფედერაციამ თბილისსა და რეგიონებში სულ 30-მდე ახალი დარბაზი მოაწყო.