სეპარატისტული სამხრეთ ოსეთის ლიდერი თავდაცვის სფეროში რუსეთთან დაგეგმილ შეთანხმებაზე საუბრობს.

ლეონიდ თიბილოვის განცხადებით, ცხინვალმა "რუსეთის შეიარაღებულ ძალებში სამხრეთ ოსეთის შეიარაღებული ძალების ცალკეული ქვედანაყოფების შესვლის წესის“ თაობაზე მოსკოვთან დაგეგმილ შეთანხმებაზე სამუშაოს საკუთარი წილი უკვე შეასრულა და ახლა რუსეთის მხრიდან ელის დასრულებულ პროექტს.

თიბილოვი ასევე ამბობს, რომ სეპარატისტულ რეგიონს „უნდა ჰქონდეს თავდაცვის საკუთარი სისტემა, შეიარაღებული ძალების ფორმით“. აღნიშნულ განცხადებებს, უკვე მოყვა შეფასებები ოფიციალურ თბილისში.