ჯანდაცვის სამინისტროს შრომის ინსპექტირების დეპარტამენტმა ახლახან 2016 წლის ანგარიში გამოაქვეყნა.

ანგარიშის მიხედვით, ქვეყნის მასშტაბით, 176 ობიექტი შემოწმდა, ასევე შესაძლო შრომითი ექსპლოატაციის გამოსავლენად განხორციელდა 99 კომპანიის ინსპექტირება.

ექსპლოატაციის შესაძლო ნიშნების არსებობის გამო, ერთ-ერთი კომპანიის საქმე შინაგან საქმეთა სამინისტროს გადაეგზავნა გამოსაკვლევად.

ინსპექტირებისას გამოიკვლიეს შრომითი საქმიანობისას მომხდარი უბედური შემთხვევებიც.

ანგარიშის პრეზენტაციისას ცნობილ გახდა, რომ 2017 წლის გეგმის ფარგლებში, მომზადდა კანონპროექტი "შრომის უსაფრთხოებისა და ჯანმრთელობის დაცვის შესახებ", რომელიც უახლოეს პერიოდში გადაეცემა ეკონომიკის სამინისტროს, შემდეგ კი - პარლამენტს.