სამების საკათედრო ტაძარში გაჩენილი ხანძრის შედეგად დაზიანებული ინფრასტრუქტურის რესტავრაცია-აღდგენისთვის, საპატრიარქოს 3 მილიონ 737 ათას 400 ლარის ნაცვლად, ხარჯების დაფინანსებისთვის, 737 ათას 400 ლარი გადაეცემა. ამის შესახებ მთავრობის მიერ, 13 იანვარს გამოქვეყნებულ განკარგულებაშია ნათქვამი.

დოკუმენტში მითითებულია, რომ ცვლილება ზოგადი ადმინისტრაციული კოდექსის 63-ე მუხლის შესაბამისად განხორციელდა. გადაწყვეტილებასთან დაკავშირებით საპატრიაქროში კომენტარი არ გაუკეთებიათ.

რაც შეეხება საპატრიარქოს ბიუჯეტს, 2017-ში ისევე როგორც წინა წლებში, საპატრიარქოსთვის 25 მილიონი ლარია გამოყოფილი.