ქართველმა სამხედროებმა ქაბულში შობა-ახალი წელი აღნიშნეს. ავღანეთში, „მტკიცე მხარდაჭერის" მისიის შტაბ-ბინაში ღონისძიება პირველი ქვეითი ბრიგადის „ალფა” ასეულის ინიციატივით გაიმართა.

მიწვეული სტუმრებისთვის საქართველოს ისტორიის, შეიარაღებული ძალების, ტრადიციების და კულტურის შესახებ კინოჩვენება შედგა. მოგვიანებით, კი ქართული ქვედანაყოფის სამხედრო მოსამსახურეების მიერ მომზადებული კერძები დააგემოვნეს. ღონისძიებას სხვადასხვა ქვეყნის ჯარისკაცები ესწრებოდნენ.

ქართული ქვედანაყოფის მთავარი ამოცანა "მტკიცე მხარდაჭერის" მისიის შტაბ-ბინის შიდა და გარე პერიმეტრის დაცვა, ბაზაზე მყოფი მაღალი რანგის პირების და პერსონალის უსაფრთხოების უზრუნველყოფაა.