მანგლისსა და წალკას ნარჩენების გადამტვირთი ახალი სადგური მოემსახურება. შპს “საქართველოს მყარი ნარჩენების მართვის კომპანიამ,” საქართველოს ინფრასტრუქტურის სამინისტროს კოორდინაციით, მანგლისისა და წალკის მუნიციპალური ნაგავსაყრელები შესაბამისი სტანდარტებით დახურა და მოეწყო ნარჩენების გადამტვირთი სადგური.

სადგურის მომსახურება გულისხმობს მუნიციპალიტეტების მიერ შეგროვებული საყოფაცხოვრებო ნარჩენების დიდ კონტეინერში ჩატვირთვას და სპეციალური გადამტვირთი მანქანებით მათ რეგულარულ ტრანსპორტირებას მარნეულის კეთილმოწყობილ მუნიციპალურ ნაგავსაყრელზე.

ინფრასტრუქტურის მინისტრმა ქვემო ქართლის რეგიონს თანამედროვე სტანდარტების შესაბამისი ნაგავმზიდი მანქანები გადასცა.