ბრიტანული ავიაკომპანია "ბრითიშ ეარვეისი", აზერბაიჯანში საკუთარ წარმომადგენლობას აუქმებს. ინფორმაციას აზერბაიჯანული მედია ქვეყნის საგადასახადო ორგანოს ოფიციალურ გამოცემაზე დაყრდნობით ავრცელებს.

"ბრითიშ ეარვეისმა" ლონდონიდან ბაქოს მიმართულებით ფრენები გასული წლის პირველი მაისიდან შეაჩერა და ბოლო რეისი ლონდონი-ბაქო-ლონდონი 2016 წლის 29 აპრილს განახორციელა.

ფრენების შეჩერების მიზეზად კომპანია აღნიშნულ მიმართულებაზე მოთხოვნის ვარდნას ასახელებს, თუმცა, სამომავლოდ მიმართულების აღდგენას არ გამორიცხავს.