ძალოვანი უწყება თუ დამოუკიდებელი სააგენტო - ფარული მოსმენების ე.წ. გასაღების გარშემო პოლიტიკური კონსულტაციები დაიწყო.

32-კაციანი სამუშაო ჯგუფი პარლამენტში დღეს პირველად შეიკრიბა. საკანონმდებლო ორგანოში საკუთარი წინადადებებით მივიდნენ უფლებადამცველები, რომლებიც ე.წ. გასაღების დამოუკიდებელი სააგენტოსთვის გადაცემას ითხოვენ.

თუმცა ამ მოდელის მიმართ გარკვეული შენიშვნები აქვს მმართველ პარტიას, არგუმენტად სხვა ქვეყნების გამოცდილება სახელდება.

კომპრომისულ ვარიანტზე შესათანახმებლად ჯგუფს ვადა აპრილამდე აქვს - საკონსტიტუციო სასამართლოს გადაწყვეტილებით, სწორედ ამ დროისთვის უნდა შევიდეს დაწუნებულ კანონში ცვლილებები.