რა მოხდა დუისის კულტურის სახლის შენობაში - ერთი კვირის წინ გაჩენილი საეჭვო ხანძართან დაკავშირებით გამოძიება გრძელდება.

ძიების დასრულებამდე პოლიტიკოსები, სოფლის უხუცესები და არასამთავრობო ორგანიზაციები საკუთარ ვერსიებზე სასაუბროდ შეიკრიბნენ.

არსებობდა ეჭვი, რომ შენობაში, სადაც კახეთის რეგიონული განვითარების ფონდიცაა განთავსებული, ცეცხლი კულტურულ-საგანმანათლებლო პროექტების მოწინააღმდეგე რადიკალურმა დაჯგუფებებმა გააჩინეს.

თუმცა ბრალდების ადრესატები მომხდართან კავშირს უარყოფენ. დღევანდელი შეხვედრის მონაწილეები თანხმდებიან, რომ ხანძრის კვალი დესტაბილიზაციის მსურველ მესამე ძალასთან მიდის.