ესპანეთის პრიმერა დივიზიონში მეორე წრე განახლდა. ტურის ცენტრალური შეხვედრა, გუშინ, ელ მადრიგალზე გაიმართა, სადაც „ვილიარეალმა" „ბარსელონას" უმასპინძლა.

თამაში საკმაოდ საინტერესო გამოვიდა. ანგარიში მასპინძლებმა მეორე ტაიმის დებიუტში გახსნეს. თავი იტალიელმა ფორვარდმა, ნიკოლა სანსონემ გამოიჩინა. ამის შემდეგ, სრულ უპირატესობას ბარსა დაეუფლა.

კატალონური კლუბი მარცხისგან ლეო მესიმ იხსნა. არგენტინელმა სუპერვარსკვლავმა, უკანასკნელ წუთზე ეფექტური საჯარიმო დარტყმით აღადგინა წონასწორობა. საბოლოოდ ფრე 1-1. „ბარსელონას" 17 ტურის შემდეგ აქტივში 35 ქულა აქვს და მესამე ადგილზე იმყოფება. „ვილიარეალი" კი 30 ქულით ჯერჯერობით მეხუთეა.