თურქეთში რუსეთის ელჩის მკვლელობის საქმეში ეჭვმიტანილი ხუთი პირი დააკავეს, - ინფორმაციას ამის შესახებ ქვეყნის პროკურატურაზე დაყრდნობით, ადგილობრივი მედია ავრცელებს.

გაირკვა, რომ ოთხი მათგანი იმ სკოლის კურსანტია, რომელშიც კარლოვის მკვლელი, მევლუთ ალთინთაში სწავლობდა. მეხუთე ეჭვმიტანილი კი ფეთჰულა გიულენის ორგანიზაცია „ფეტოს" რიგებშია.

საგამოძიებო უწყების ინფორმაციით, 19 დეკემბერს ანკარის თანამედროვე ხელოვნების ცენტრში, თურქეთში რუსეთის ელჩზე თავდასხმა და მკვლელობა გიულენმა დაგეგმა.