სადღესასწაულო ლიტურგიაზე მრევლთან ერთად საქართველოს პრემიერ-მინისტრი გიორგი კვირიკაშვილი, თავდაცვის მინისტრი ლევან იზორია და მინისტრთა კაბინეტის სხვა წევრები იმყოფებონენ. წირვის დაწყებამდე მათ პატრიარქის საშობაო ეპისტოლე მოისმინეს.
ყოვლადწმინდა სამების საკათედრო ტაძარში სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმიდესმა და უნეტარესმა ილია მეორემ შობის დღესასწაულთან დაკავშირებით ღამისთევის მსახურება ჩაატარა.
სადღესასწაულო ღვთისმსახურების დასასრულს სამებაში შეკრებილ მრევლსა და მართლმადიდებლურ სამყაროს საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმიდესმა და უნეტარესმა ილია მეორემ შობის ბრწყინვალე დღესასწაული მიულოცა.
საშობაო ლიტურგია ყველა მართლმადიდებლურ ტაძარში სრულდება, მათ შორის თავდაცვის სამინისტროს ტერიტორიაზე მდებარე მთავარანგელოზთა დასის სახელობის ტაძარში.