ე.წ. ფარული ჩანაწერების საქმეზე დაკავებულები გაათავისუფლეს. საუბარია კუდის ყოფილ მაღალჩინოსანებზე. ირაკლი ყიფშიძეს, გიგლა შიოშვილს და რევაზ შიუკაშვილს 9-თვიანი წინასწარი პატიმრობის ვადა ამოეწურათ. პატიმრობაში მხოლოდ ვასილ ლელუაშვილი რჩება, რადგან ის სხვა საქმეზეა მსჯავრდებული.

პოლიტიკოსების პირადი ცხოვრების ამსახველი ფარული ვიდეომასალები 2016 წლის მარტში სოციალური ქსელის მეშვეობით გავრცელდა. ამ კადრების მოპოვების ბრალდებით, პროკურატურამ ბრალი 8 პირს წაუყენა. მათგან 2 ამ დრომდე მიმალვაში იმყოფება, 2-ს, ბრალის აღიარების სანაცვლოდ, საპროცესო შეთანხმება გაუფორმდა. 3 პირი კი დღეს გათავისუფლდა.

თუმცმა სასამართლოში საქმის არსებითი განხილვები გაგრძელდება, მხარეების ვარაუდით, განაჩენი იანვრის ბოლომდე დადგება.