საახალწლო ღონისძიება პრეზიდენტის სასახლეში. ნაძვის ხესთან ოკუპირებული ტერიტორიებიდან დევნილ პატარებს უმასპინძლეს.

ნოდარ დუმბაძის სახელობის მოზარდ მაყურებელთა თეატრმა მათთვის საბავშვო მუსიკალური სპექტაკლი წარმოადგინა. პატარებს დღესასწაული თოვლის ბაბუამ და სანტა კლაუსმაც მიულოცეს.

ღონისძიებას საქართველოს სხვადასხვა კუთხეში, დევნილთა კომპაქტურ ჩასახლებებში მცხოვრები ბავშვები დაესწრნენ. მათ საჩუქრებიც მიიღეს და პრეზიდენტთან სამახსოვრო ფოტოები გადაიღეს.