ჯაბა კანკავა შესაძლოა საფრანგეთის უმაღლეს ლიგაში დაბრუნდეს. პოპულარულო გამოცემა "ფრანს ფუტბოლის" მიერ გავრცელებული ინფორმაციის თანახმად, საქართველოს ნაკრების კაპიტნის შეძენით, ლიგა ერთის გუნდი "მეცი" ინტერესდება.

წყაროს ცნობით, "მეცს" იანვარში აფრიკის თასის გამო, ორი ნახევარმცველი, კამერუნელი ჟორჟ მანდიეკი და კოტდიუარელი ჩიკ დუკური დააკლდება.

გუნდი კი მათ შემცვლელებს ეძებს და შესაძლოა, კანკავა ერთ-ერთი მთავარი კანდიდატი იყოს. ჯაბას "რეიმსთან" კონტრაქტი 2018 წლის 30 ივნისს ეწურება.

ქართველმა ფეხბურთელმა მიმდინარე სეზონში "რეიმსის" მაისურით მხოლოდ 6 თამაში ჩაატარა. სულ კი, ჯამში, გასული წლიდან მოყოლებული, 34 მატჩში მიიღო მონაწილეობა.