შეერთებული შტატების ხელისუფლებამ ვაშინგტონიდან და სან-ფრანცისკოდან 35 რუსი დიპლომატის გაძევების გადაწყვეტილება მიიღო.
აღნიშნული გადწყვეტილება მოსკოვში ამერიკელი დიპლომატების მიმართ მტრული კამპანიის წარმოებისთვის საპასუხო ზომებს წარმოადგენს.
დაწესებულებები, სადაც რუსი დიპლომატები მოღვაწეობდნენ, შეერთებული შტატების ინფორმაციით, დაზვერვის მონაცემების მოსაპოვებლად გამოიყენებოდა. ახლა დიპლომატებს 72 საათი აქვთ ქვეყნის დასატოვებლად.
პრეზიდენტმა ბარაქ ობამამ სიტყვით გამოსვლისას აღნიშნა, რომ ამერიკელი დიპლომატები გასული წლის განმავლობაში მოსკოვში რუსული სპეცსამსახურების მხრიდან შევიწროებას განიცდიდნენ. მოსკოვი ვაშინგტონის ამ გადაწყვეტილებას ამერიკელი ხალხის დამცირებად აფასებს და საპასუხო ზომებით იმუქრება.