საქართველოს პირველი ტელევიზიის იუბილესთან დაკავშირებით მილოცვის წერილს ავრცელებს საქართველოს პრეზიდენტი.
განცხადებაში ნათქვამია:
“გულითადად გილოცავთ პირველი ქართული ტელემაუწყებლობის დაარსებიდან 60 წლისთავს. საქართველოში პირველი არხის გამოჩენამ არსებითად შეცვალა საზოგადოებრივი რეალობა. ტელევიზია, საზოგადოებასთან ერთად, ვითარდებოდა და, ამავდროულად, ხშირად განაპირობებდა კიდეც მისი განვითარების მიმართულებასა და ორიენტირებს.
დამოუკიდებლობის მოპოვების შემდეგ მედიამრავალფეროვნების გაჩენამ მხოლოდ გაზარდა თქვენი არხის მნიშვნელობა და პასუხისმგებლობა სრულფასოვანი სამოქალაქო საზოგადოების ფორმირების საქმეში.
განსაკუთრებით ვულოცავ იმ პირველ თაობას, რომელმაც ამ დიდი საქმის სათავეებთან მტკიცე საფუძველი შექმნა შემდგომი წინსვლისთვის.
გილოცავთ და მადლობას გიხდით თქვენც, ვინც დღესაც ერთგულად იღწვით მართალი სიტყვის თითოეულ ადამიანამდე მიტანისთვის, სამოქალაქო საზოგადოების გაძლიერებისთვის. “ ნათქვამია პრეზიდენტის განცხადებაში.