ინგლისის პრემიერლიგაში, მე-18-ე ტური გუშინ, „საუთჰემპტონის" და „ტოტენჰემის" შეხვედრით დასრულდა.

სენტ მერის სტადიონზე გამართული შეხვედრა, მასპინძლებისთვის კარგად დაიწყო. „საუთჰემპტონი" მეორე წუთზე ჰოლანდიელმა, ვირჯილ ვან დიკმა დააწინაურა. სტუმრებმა, მალევე შეძლეს გათანაბრება. მე-19 წუთზე თავი დელე ალიმ გამოიჩინა.

პირველი ტაიმი ფრედ დასრულდა. თამაშის მეორე ნახევარში კი „ტოტენჰემი" შეუჩერებელი იყო. 52-წუთზე მიმდინარე სეზონში თავისი მერვე გოლი გაიტანა ჰარი კეინმა. მალევე, „საუთჰემპტონს" მთავარმა მსაჯმა ნათან რედმონდი გაუძევა მოედნიდან. დანიშნული თერთმეტმეტრიანი კეინმა ვერ გაიტანა. ამის მიუხედავად, ლონდონელებმა მაინც დიდი ანგარიშით გაიმარჯვეს. 85-ე წუთზე ჯერ სამხრეთ კორეელემა მინ სონმა აიღო მეტოქის კარი, ორ წუთში კი საბოლოო წერტილი დელე ალიმ დასვა და დუბლი გაიფორმა. 4-1 მაურიციო პოჩეტინიოს გუნდის დამაჯერებელი გამარჯვება.

„ტოტენჰემი" ჩემპიონატში 36 ქულით მეხუთე ადგილზეა. ლონდონური კლუბი, მორიგ მატჩს, პირველ იანვარს, „უოტფორდის" წინააღმდეგ ჩაატარებს #სპორტი