დასრულდა „ბენდელას თასის" გათამაშება ფეხბურთში. #სპორტი

ტრადიციულ ტურნირში, წელს, მონაწილეობას 2005 წელს დაბადებულ მოზარდებში 20 გუნდი იღებდა. მათ შორის, „ლენქორანის" და „ნალჩიკის" გუნდები.

ფინალურ შეხვედრაში, ერთმანეთს „საბურთალოს" და „დინამოს აკადემია" დაუპირისპირდნენ. თამაში საბურთალოელებმა ანგარიშით 2-0 მოიგეს. გოლები გიორგი ლობჟანიძემ და გიორგი გეგუჩაძემ გაიტანეს.

აღსანიშნავია, რომ „საბურთალოს" ტურნირის განმავლობაში არცერთი ბურთი არ მიუღია საკუთარ კარში.

შეჯიბრის საუკეთესო ფეხბურთელის პრიზი, ჩემპიონი გუნდის წევრს, სანდრო ავალიანს გადაეცა.