ირანი "ბოინგის" 80 ახალ თვითმფრინავს ნახევარ ფასად შეიძენს. თავდაპირველად, ამერიკული კომპანია აღნიშნულ გარიგებაში 16.6 მილიარდ დოლარს ითხოვდა, მაგრამ, როგორც ირანის მთავრობა აცხადებს, კვირას მიაღწია შეთანხმებას ფასის განახევრების თაობაზე.

"ბოინგმა" და მისმა ევროპელმა კონკურენტმა "ეარბასმა" ამ თვეში ირანთან დიდი მოცულობის შეკვეთაზე კონტრაქტები გააფორმეს, რაც პირველი შემთხვევაა ირანზე საერთაშორისო სანქციების გაუქმების შემდეგ. თუმცა სანქციების გაუქმება 2015 წელს საჰაერო ხომალდებზე მოთხოვნის მკვეთრ შემცირებას დაემთხვა, რამაც ირანს დიდი ფასდაკლების შესაძლებლობა მისცა.