საქართველოს კათოლიკოს-პატრიარქის ჯანმრთელობის მდგომარეობის გაუარესება გრიპის ვირუსმა გამოიწვია.
როგორც „მოამბეს“ ექიმმა ცისანა შარტავამ განუცხადა, ილია მეორეს ჯანმრთელობის მდგომარეობა ამ დროისთვის საშუალოდ მძიმეა.
შარტავას თქმით, უწმინდესს მაღალი ტემპერატურა აღენიშნება.
„პატრიარქის მდგომარეობა ამ დროისთვის საშუალოდ მძიმეა. ეს არის, სავარაუდოდ, ინფექცია გრიპის ვირუსით. დაავადება მიმდინარეობს მაღალი ტემპერატურის ფონზე, სპეციალისტები გართულებების თავიდან აცილებისთვის ყველაფერს აკეთებენ, “,-განაცხადა ექიმმა.
25 დეკემბერი პატრიარქის აღსაყდრების დღეა. უკვე 39 წელია ილია მეორე საქართველოს მართლმადიდებელ ეკლესიას უძღვება.
აღნიშნულთან დაკავშირებით საზეიმო ლიტურგია სამების საკათედრო ტაძარში აღევლინა. წირვა უწმინდესმა ჯანმრთელობის მდგომარეობის გაუარესების გამო ვერ ჩაატარა.