ურეკში მომხდარ ავარიას 4 ადამიანის სიცოცხლე ემსხვერპლა. ერთმანეთს „ოპელის“ მარკის ავტომობილი და სატვირთო შეეჯახა.

კრიტიკულია ერთ-ერთი დაშავებულის მდგომარეობა, რომელიც ფოთის ცენტრალურ საავადმყოფოშია გადაყვანილი.

გარდა მსუბუქი მანქანისა, დაზიანებულია ორი სატვირთო და ერთი სამარშრუტო ტაქსი. ავარიის გამომწვევ სავარაუდო მიზეზად გადაჭარბებული სიჩქარე სახელდება.

ფაქტზე გამოძიება 276 მუხლის მე-7 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც 2 ან მეტი ადამიანის გარდაცვალება გამოიწვია.