გლდანში, ზებრა-გადასასვლელთან კამპანიის "გაუღიმე და გაატარე“ დასკვნითი აქცია გაიმართა.

აქციის ფარგლებში, რიგითი მოქალაქეები, სტუდენტები, მრბოლელები შეიკრიბნენ, რომ კიდევ ერთხელ შეეხსენებინათ მძღოლებისთვის გადასასვლელებზე დახაზული ზოლების მნიშვნელობა.

აქციის შემდეგ გაიმართა სპორტული ავტომობილებით მსვლელობა. სპორტსმენები მოძრაობისას შემხვედრ ყველა ზებრაზე დემონსტრაციულად აჩერებდნენ ავტომობილებს და გზას უთმობდნენ ფეხით მოსიარულეებს.

პროექტი "გაუღიმე და გაატარე" ხორციელდება თბილისის მერიის ტრანსპორტის საქალაქო სამსახურის მხარდაჭერით და მას ორგანიზებას უკეთებს არასამთავრობო ორგანიზაცია "მწვანე ავტოკლუბი".