საკალათბურთო ევროლიგაში წარმატებულ თამაშს განაგრძობს თორნიკე შენგელიას „ბასკონია".

ესპანურმა გუნდმა, გუშინ, მორიგ ტურში საკუთარ მოედანზე ბარსელონა დაამარცხა.

თორნიკე შენგელიას ძირითად ხუთეულში არ უთამაშია. საქართველოს ნაკრების ფორვარდმა, 12 წუთში 5 ქულა და 5 მოხსნა გააკეთა.

ვიტორიელთა რიგებში, საუკეთესო ფრანგი გამთამაშებელი როდრიგ ბობუა გახლდათ, 19 ქულით.

„ბარსაში" 18 ქულა და 7 მოხსნა, ხორვატი ცენტრის ანტე ტომიჩის მონაგარია.

საბოლოოდ, დაძაბული მატჩი „ბასკონიელებმა" ანგარიშით 65-62 მოიგეს და სატურნირო ცხრილში, პირეოსის „ოლიმპიაკოსთან" ერთად მესამე-მეოთხე ადგილებს ინაწილებენ.

ესპანური გუნდი მორიგ შეხვედრას, ხვალ, ათენში, ადგილობრივი „პანათინაიკოსის" წინააღმდეგ ჩაატარებს.