ჭყონდიდელი მიტროპოლიტი საპატრიარქოში დაგროვილ პრობლემებზე და ჩრდილოვან მმართველობაზე საუბრობს.

კამერების წინ გაკეთებულ განცხადებებში მეუფე პეტრე ახსენებს პატრიარქის მდივან-რეფერენტ შორენა თეთრუაშვილს და ამბობს, რომ მის ხელში განუსაზღვრელი ძალაუფლებაა დაგროვილი.

სწორედ ამ საკითხის განხილვას ითხოვდა მაღალი სასულიერო იერარქი წმინდა სინოდის დღევანდელ სხდომაზე, თუმცა, როგორც სხდომის შემდეგ გაკეთებული კომენტარებიდან ირკვევა, ამ თემის გარშემო არ უმსჯელიათ.

საუბარი პატრიარქის აღსაყდრების საიუბილეო წელთან დაკავშირებულ ღონისძიებებს და წმინდა და დიდი კრების მიერ მიღებულ დადგენილებებს შეეხო.