5 603 760
ნახვა
23 824
ვიდეო

"დილის მოამბე" ნინო ვარდოსანიძესთან ერთად

გაზიარება
დეკემბერი 22, 2016
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

• ეროვნული ვალუტა კვლავ გაუფასურებას განაგრძობს. დოლართან მიმართებაში ლარის ოფიციალური გაცვლითი კურსი 2 ლარი და 78 თეთრია.
• ეროვნული ვალუტის მდგომარეობას აფასებენ ექსპერტები. პაატა ბაირახტარი აცხადებს, რომ ლარის გაუფასურება საგარეო ფაქტორებით არის გამოწვეული.
• "პატრიოტთა ალიანსი" ქვეყნის ეკონომიკური კრიზისიდან გამოყვანის მიზნით შემუშავებულ გეგმას მთავრობის ეკონომიკურ გუნდს გააცნობს.
• საკონსტიტუციო კომისიის შემადგენლობას პარლამენტში სავარაუდოდ ამ კვირაში დაამტკიცებენ - განცხადებას ამის შესახებ უმრავლესობაში აკეთებენ.
• "საჯარო სამსახურის შესახებ კანონის” ახალი რედაქცია ივლისიდან ამოქმედდება. დეპუტატებმა კანონში განხორციელებული ცვლილებების 6 თვით გადავადებას მხარი დაუჭირეს.
• პარლმენტი მუშაობას იწყებს "შვილად აყვანის და მინდობით აღზრდის შესახებ'' კანონში ცვლილებების პაკეტზე. საკითხს იურიდიული კომიტეტი დღეს განიხილავს.
• "კონტრდაზვერვის შესახებ კანონში” ცვლილებებს ეწინააღმდეგებიან უმრავლესობაში.
• კვალიფიციური პარტიების საკოორდინაციო საბჭო საარჩევნო კოდექსში შესატან ცვლილებებზე საკანონმდებლო პაკეტის შემუშავებას იწყებს.
• დღეს საქართველოს მართლმადიდებელი ეკლესიის წმინდა სინოდის მორიგი სხდომა გაიმართება.
• ელბაქიძის დაღმართზე მდებარე ლომბარდის ყაჩაღობის ბრალდებით სამართალდამცავებმა ერთი პირი დააკავეს.
• მაია რჩეულიშვილის ადვოკატი ხვალ ადამიანის უფლებათა სასამართლოს სარჩელით მიმართავს.
• ზუგდიდის რაიონულ სასამართლოში გიგა ოთხოზორიას საქმეზე ბრალდების მხარის მტკიცებულებების გამოკვლევა დასრულდა.
• უკრაინის ხერსონის ოლქში სამართალდამცველებმა სპეცოპერაციის შედეგად საქართველოს ოთხი მოქალაქე დააკავეს, რომლებიც საცხოვრებელი ბინების ძარცვაში არიან ეჭვმიტანილი.
• სულ მცირე 40 უკრაინელი სამხედრო დაიღუპა და 50-ზე მეტი დაშავდა დებალცევოს რაიონში იერიშის შედეგად.
• ოდესის ოლქის გუბერნატორად უკრაინის მთავრობამ სახელმწიფო საწარმოს, პოლიგრაფიული კომბინატის "უკრაინას" დირექტორი, მაქსიმ სტეპანოვი დაამტკიცა.
• გაეროს გენერალურმა ასამბლეამ მხარი დაუჭირა სპეციალური ორგანოს შექმნას, რომელიც სირიაში ადამიანის უფლებათა დარღვევის სერიოზულ ფაქტების დოკუმენტირებას განახორციელებს, მათ შორი სამხედრო და კაცობრიობის წინააღმდეგ ჩადენილი დანაშაულების გამოაშკარავებისთვის.
• 7 წლის სირიელი გოგონა ბანა ალაბედი, რომელიც ალყაშემორტყმული ალეპოდან "ტვიტერში" განხორციელებული ჩანაწერების შედეგად გახდა ცნობილი, ანკარაში თურქეთის პრეზიდენტს რეჯეპ ტაიპ ერდოღანს შეხვდა.
• თბილისის საკრებულოში საბურთალოს რაიონის გამგეობის საპილოტე პროექტის "მართე შენი ქალაქის" შემაჯამებელი პრეზენტაცია გაიმართა.
• რუსთაველის თეატრში გოჩა კაპანაძის ახალი სპექტაკლის პრემიერა გაიმართა.
• კინომსახიობთა თეატრში ბავშვთა ფოლკლორული ანსამბლის კირიალესას საიუბილეო კონცერტი გაიმართა.
• მწერალთა სახლში ჟურნალ ფანტასტის მორიგი ნომრის პრეზენტაცია გაიმართა.

მაჩვენე მეტი