„არსებობს რესურსი საიმისოდ, რომ ელექტროენერგიაზე შენარჩუნებული იქნას არსებული სამომხმარებლო ტარიფი“ - ამის შესახებ ენერგოომბუდსმენმა სალომე ვარდიაშვილმა დღეს გადაცემა „ეკონომეტრში“განაცხადა.
მისი განცხადებით, წარმოების ტარიფებმა თბოელექტროსადგურებისთვის მოიმატა, რაც ლარის კურსის ცვლილებას უკავშირდება, ახლა შესამუშავებელია ჰესებისა და განაწილების ტარიფი და ამის შემდეგ ენერგეტიკის მარეგულირებელ კომისიაში იქნება მსჯელობა, გაიზრდება თუ არა სამომხმარებლო ტარიფი მომავალი წლიდან. „ვფიქრობ, არსებობს საიმისო რესურსი, რომ სამომხმარებლო ტარიფი ზრდისკენ არ წავიდეს,“ - აღნიშნა ენერგოომბუდსმენმა.
დღეს სემეკ-ის სხდომაზე თბოელექტროსადგურებისთვის ელექტროენერგიის ტარიფის წარმოების ტარიფი გაიზარდა.
ელექტროენერგიის სამომხმარებლო ტარიფები 26 დეკემბერს გახდება ცნობილი.