"გოლდენ სტეიტ უორიორზმა" NBA-ს რეგულარულ სეზონში 25-ე მატჩი მოიგო.

ოკლენდელებმა, დღეს საკუთარ „ორეკლ არენაზე“, „იუტა ჯაზი“ დაამარცხეს.

გამარჯვებულთა გუნდის ძირითად შემადგენლობაში იყო ზაზა ფაჩულია. ქართველმა ცენტრმა, 2 ქულა, 3 მოხსნა და 1 შედეგიანი გადაცემა გააკეთა.

საუკეთესო, ორივე გუნდში სტეფ კარი გახლდათ, უკანახაზელმა 25 ქულით დაასრულა შეხვედრა. კევინ დურანტის მონაგარმა, 22 ქულა შეადგინა.

თამაში "უორიორზმა" 104-74 მოიგო.

კალიფორნიელები მორიგ მატჩს, ზეგ "ბრუკლინ ნეტსის" წინააღმდეგ, სტუმრად ჩაატარებენ.