პროდუქტებსა და აქციზზე ფასების ზრდა, ეროვნული ვალუტის გაუფასურება და მთავრობის ოთხპუნქტიანი გეგმა ის საკითხებია, რომლებზეც ,,ერთიან ნაციონალურ მოძრაობას” მთავრობის ეკონომიკურ გუნდთან შეკითხვები აქვს.
ოპოზიცია ეკონომიკურ გუნდს საპარლამენტო უმცირესობის ფორმატში იბარებს. ,,ერთიან ნაციონალურ მოძრაობაში” მიიჩნევენ, რომ მთავრობამ არჩეული პოლიტიკა უნდა შეცვალოს, წინააღმდეგ შემთხვევაში, ქვეყნის ეკონომიკური მდგომარეობა გაუარესდება.
ოპოზიცია ხელისუფლებას ალტერნატიულ ინიციატივებსაც სთავაზობს.
მმართველ გუნდში ეკონომიკურ გუნდსა და საპარლამენტო უმცირესობას შორის შეხვედრის აუცილებლობას ვერ ხედავენ, თუმცა აცხადებენ, რომ შესაბამისი პროცედურების გავლის შემთხვევაში, ფინანსთა სამინისტრო ოპოზიციასთან შესახვედრად მზად არის.