ტელეკომპანია "იბერიის" წამყვანი გიორგი გასვიანი სამცხე-ჯავახეთის რაიონული პროკურატურის თანამშრომლებმა გამოკითხეს.
ჟურნალისტსა და სემინარის ორგანიზატორს, რომელსაც გასვიანი უნდა დასწრებოდა, გამომძიებლები ორი საათის განმავლობაში ბორჯომში კითხავდნენ.
გიროგი გასვიანის ინფორმაციით, გამოძიებასთან მან შემთხვევის დეტალები კიდევ ერთხელ გაიხსენა და ამომწურავად უპასუხა დასმულ შეკითხვებს, თუმცა თავად ვერ მიიღო პასუხები.
გასვიანისთვის ამ დრომდე უცნობია, ვინ იყვნენ ინციდენტის დროს პოლიციის თანამშრომლის თანმხლები პირები და ჩაუტარდათ თუ არა მათ შემოწმება ნასვამობაზე.
შეგახსენებთ, ბორჯომის გზაზე ინციდენტი ორი დღის წინ მოხდა. ტელეკომპანია "იბერიის" წამყვანი სამართალდამცავს ფიზიკური და სიტყვიერი შეურაცხყოფის მიყენებაში ადანაშაულებს.