ლარის კურსის გამო, სემეკ-ის თავმჯდომარე არ გამორიცხავს, რომ შესაძლოა გაზის და ელექტროენერგიის ტარიფები გაიზარდოს.

პარლამენტში გამოსვლის დროს ირინა მილორავამ განმარტა, რომ ხვალიდან ენერგეტიკისა და წყალმომარაგების მარეგულირებელი კომისია თბოსადგურების, მომავალი კვირიდან კი ჰიდროელექტროსადგურების ელექტროენერგიის ფასებზე მსჯელობას იწყებს.

სწორედ ამის შემდეგ გახდება ცნობილი, გაიზრდება თუ არა სამომხმარებლო ტარიფები. თემაზე საუბარს ოპოზიციის მხრიდან მწვავე რეაქციები მოჰყვა. უმცირესობის წარმომადგენლებმა ენერგეტიკის სამინისტრო სემეკ-ზე ზეწოლაში დაადანაშაულეს.