საქართველოს მთავრობის სახელით, მკაცრად ვგმობ უკანასკნელ პერიოდში თურქეთში მომხდარ ტერორისტულ აქტებს; სრულ მხარდაჭერას და სოლიდარობას ვუცხადებ ტერაქტების შედეგად დაღუპულთა და დაშავებულთა ოჯახებს და თურქეთის რესპუბლიკის მთავრობას, - ეს განცხადება საქართველოს პრემიერმინისტრმა თურქ კოლეგასთან, შეხვედრისას გააკეთა.
აუდიენცია სტამბოლში შედგა. საუბრისას, ხაზი გაესვა ორი ქვეყნის სტრატეგიულ პარტნიორობას და აღინიშნა, რომ საქართველო და თურქეთი მრავალი წელია ერთიანი ძალისხმევით ავითარებენ თანამშრომლობას სხვადასხვა მიმართულებებით.
პრემიერმინისტრებმა „ევრაზიის გვირაბის“ პროექტის მნიშვნელობაზე ისაუბრეს, რომლის ოფიციალური გახსნის ცერემონია დღეს გაიმართება. მანამდე კი პრემიერი "ბეშიქ-თაშის" სტადიონის ტერიტორიაზე მივიდა, სადაც 10 დეკემბერს მომხდარ ტერორისტულ აქტს ათობით ადამიანი ემსხვერპლა.
საქართველოს მთავრობის მეთაურმა ადგილი ყვავილებით შეამკო, დაღუპულთა ხსოვნას პატივი მიაგო.