ლარის ბოლოდროინდელ გაუფასურებას მთავრობაც და ეროვნული ბანკიც ძირითადად საგარეო შოკებით ხსნიან.
ეროვნულმა ბანკმა დღეს განაცხადა,რომ გაცვლითი კურსის ბოლო პერიოდის გაუფასურება ფუნდამენტური ფაქტორებით, კერძოდ დოლარის გლობალური გამყარებით, თურქული ლირას გაუფასურებით და მოლოდინების ერთობლიობით არის განპიროებებულ.
თუმცა ეროვნული ბანკის განმარტებით, ფუნდამენტური ფაქტორების მიუხედავად, მიმდინარე კურსი უფრო მეტად არის გაუფასურებული, ვიდრე ამას რაციონალური მოლოდინები განაპირობებს.
ეროვნული ბანკი გვპირდება, რომ გამოიყენებს მის ხელთ არსებულ ინსტრუმენტებს სავალუტო ბაზარზე ჭარბი მერყეობის შესარბილებლად და საშუალო ვადიან პერიოდში, ფასების სტაბილურობის რისკების შემთხვევაში, ეროვნული ბანკი გაამკაცრებს მონეტარულ პოლიტიკას. ეროვნული ბანკის პოზიციას ფინანსთა სამინისტროშიც იზიარებენ.