20 დეკემბერი, 2016
•რუსეთის საგანგებო და სრულუფლებიანი ელჩი ანდრეი კარლოვი, რომელსაც გუშინ თურქეთში სიტყვით გამოსვლისას ესროლეს, საავადმყოფოში გარდაიცვალა.

•რუსეთის ელჩის მკვლელობასთან დაკავშირებით სპეციალურ ტელემიმართვაში საგანგებო განცხადებას აკეთებს თურქეთის პრეზიდენტი რეჯეპ ტაიპ ერდოღანი.

•რუსეთის ელჩის მკვლელობას საერთაშორისო საზოგადოების გამოხმაურება მოჰყვა.

•თურქეთში რუსეთის ელჩის მკვლელობას საქართველოს პრემიერ-მინისტრი ეხმაურება.

•საერთაშორისო პოლიტიკის ექსპერტების ნაწილი მიიჩნევს, რომ თურქეთში რუსეთის ელჩის მკვლელობა ორ ქვეყანას შორის ურთიერთობაზე გავლენას ვერ მოახდენს.

•თურქეთსა და გერმანიაში განვითარებული მოვლენების გამო, შეერთებული შტატების სახელმწიფო დეპარტამენტი საკუთარ მოქალაქეებს სიფრთხილისა და შემთხვევის ადგილებთან გადაადგილებისგან თავის შეკავებისკენ მოუწოდებს.

•ბერლინში სატვირთო ავტომობილი საშობაო ბაზრობისთვის მოწყობილ ხალხმრავალ ტერიტორიაზე შევარდა, რის შედეგადაც 12 ადამიანი დაიღუპა, 48 კი დაშავდა.

•საქართველოს საგარეო საქმეთა სამინისტრო მომხდართან დაკავშირებით განცხადებას ავრცელებს.

•3 ადამიანი დაშავდა შვეიცარიაში ციურიხის ისლამურ ცენტრში სროლის შედეგად.

•ალეპოში მიმდინარე მოვლენები კიდევ ერთხელ დაგმეს და სირიელ ხალხსსოლიდარობაგამოუცხადეს საქართველოს პრეზიდენტმა და მთავრობის წევრებმა.

•ლარის გაუფასურების რეკორდს ეხმაურებიან ოპოზიციაში და მთავრობას სამოქმედო გეგმას უწუნებენ.

•სავალუტო კრიზისს ეხმაურებიან ექსპერტებიც, რომლებიც ლარის სტაბილურ ნიშნულამდე მისვლას ამ ეტაპზე გამორიცხავენ.

•საკონსტიტუციო კომისიის დაკომპლექტება კვირის ბოლოს დასრულდება.

•ალეპოში არსებულ მძიმე ჰუმანიტარულ მდგომარეობასთან დაკავშირებით „ნაციონალური მოძრაობის“ მიერ მომზადებული განცხადების პროექტს საკანონმდებლო ორგანო სავარაუდოდ მომავალ კვირაში, რიგგარეშე სხდომაზე განიხილავს.

•ევროკავშირი-საქართველოს ასოცირების საპარლამენტო კომიტეტის წევრების ვიზიტი საქართველოში გრძელდება.

•საქართველოში ორდღიანი ოფიციალური ვიზიტით ბელარუსის რესპუბლიკის საგარეო საქმეთა მინისტრი იმყოფება.

•,,ნარკოპოლიტიკის ეროვნული პლატფორმა” საკოორდინაციო საბჭოს მუშაობის განახლებას მიესალმება.

•ბირთვული და რადიაციული უსაფრთოების მიმართულებით თანამშრომლობის პერსპექტივები და სამომავლო პროექტები განიხილეს შეხვედრაზე, რომელიც გარემოსა და ბუნებრივი რესურსების დაცვის მინისტრის მოადგილესა და ამერიკის ბირთვული მარეგულირებელი კომისიის წვერებს შორის გაიმართა.

•ფოთში, ღრმაფსკერიანი გემების მოძრაობის პროცესი კვლავაც არ აღდგა.

•ზუგდიდში სკეიტპარკის ტერიტორიაზე საახალწლო ნაძვის ხე საზეიმოდ აინთო.

•საგამოფენო ცენტრ “ჰოუმში” ნიკოლოზ კეკელიძის გრაფიკული ნამუშევრების გამოფენა გაიმართა.