ალეპოში მიმდინარე მოვლენებთან დაკავშირებით ოპოზიცია პარლამენტს რეზოლუციის მიღებისკენ მოუწოდებს. განცხადება პარლამენტში ”ნაციონალურმა მოძრაობამ” უკვე შეიტანა. ოპოზიციაში განმარტავენ, რომ რეზოლუციაში დაფიქსირებული იქნება როგორც საქართველოს სოლიდარობა, ასევე დაგმობილი იქნება რუსეთის დესტრუქციული ქმედებები სირიაში. პატრიოტთა ალიანსის შეფასებით განცხადება პროვოკაციულია. საქართველოს მთავრობამ კი ალეპოსთან დაკავშირებით, გაეროს რეზოლუციას მხარი უკვე დაუჭირა, ამჯერად მმართველ გუნდში ამბობენ, რომ ოპოზიციის შეთავაზებასაც განიხილავენ. ბიუროს დღევანდელ სხდომაზე გადაწყდა, რომ რეზოლუციის მიღების საკითხზე პარლამენტი მომავალ კვირას იმსჯელებს.

#2030 #GDS #GDSTV #NEWS #ახალიამბები