განათლების მინისტრი „აუდიტორია 115-ს" თბილისის სახელმწიფო უნივერსიტეტის მეექვსე კორპუსის პიკეტირების შეწყვეტისკენ მოუწოდებს. შენობაში მყოფი სტუდენტები კი ალექსანდრე ჯეჯელავას მწვავედ აკრიტიკებენ და პარალელურად, პარლამენტიდან პასუხს ელიან.

საკანონმდებლო ორგანოში უკვე გაგზავნილია სპეციალური ანკეტა, რომელშიც აუდიტორია საკანონმდებლო ცვლილებებს ითხოვს. მთავარ მოთხოვნად სტუდენტური თვითმმართველობის გაუქმება რჩება.

საკუთარ ალტერნატიულ წინადადებაზე ჯერ ისევ მუშაობენ თვითმმართველობის წევრები. სწორედ მათი ხედვების შეჯერების შემდეგ უნდა მომზადდეს განათლების კომიტეტში სპეციალური კანონპროექტი.