დედაქალაქის მერმა დავით ნარმანიამ მედიის წარმომადგენლებს 15 ახალი ავტობუსი წარუდგინა. ავტობუსები ხაზზე პირველ იანვარს გავა და მგზავრებს სტანდარტულ ფასად 50 თეთრად მოემსახურება. "მენის" ფირმის ავტობუსები ევროსტანდარტების შესაბამისია და ეკოლოგიურად სუფთაა.

ახალი ავტობუსები შშმ პირებისა და ჩვილ ბავშვთა ეტლებისთვის სრულად არის ადაპტირებული და სპეციალური პანდუსებით არის აღჭურვილი. მერიის ცნობით, აპრილში სულ 143 "მენის" ახალი ავტობუსი ივლის ქალაქში. გერმანულმა კომპანიამ ავტობუსების მოწოდების მეორე ეტაპი წინსწრებით განახორციელა.

შეგახსენებთ, თბილისმა პირველი 10 ავტობუსი სექტემბერში მიიღო.