ბრიტანული ბიზნესი და პროფკავშირები, ქვეყნის პრემიერმინისტრს ტერეზა მეის მოუწოდებენ, რომ ევროკავშირის დატოვების შემდეგ, ევროკავშირის მოქალაქეებს, გაერთიანებულ სამეფოში დარჩენის უფლება მისცეს - წინააღმდეგ შემთხვევაში, შედეგი ქვეყნის ეკონომიკას დააზიანებს. შესაბამისი მოწოდებით პრემიერს ბრიტანეთის სავაჭრო პალატების გაერთიანებამ და ბრიტანეთის პროფკავშირების ერთიანმა ცენტრმა მიმართეს, რომლებიც ქვეყანაში ბიზნესისა და დასაქმებულების ყველაზე მსხვილი წარმომადგენლები არიან.
ბოლო მონაცემებით, ბრიტანეთში ევროკავშირის ქვეყნებიდან ორ მილიონზე მეტი ადამიანი მუშაობს და ორგანიზაციების აზრით, მთავრობამ წინასაშობაოდ პირობა უნდა მისცეს, როგორც ამ ადამიანებს, ისე ბრიტანულ ბიზნესს, რომ ამ ადამიანებს ბრიტანეთში ცხოვრების გარანტია ექნებათ.