12 მატჩი, 12 მოგება. ასეთია „დინამო" თბილისის შედეგი, სუპერლიგის მიმდინარე გათამაშებაში.

დინამოელებმა, დღეს ოლიმპიურ სასახლეში, „კაქტუსი" დიდი სხვაობით, ანგარიშით, 109-68 დაამარცხეს.

ირაკლი ხოშტარიას გუნდი, თავიდანვე სოლიდური სხვაობით დაწინაურდა და მატჩის ლოგიკურ დასასრულამდე მიყვანა არ გასჭირვებია.

დინამოს შემადგენლობაში, საუკეთესო ნოდარ გოგოძე იყო, 23 ქულით. 21 ქულა მოაგროვა, მიხეილ ბერიშვილმა.

„კაქტუსის" რიგებში, 17-17 ქულით, ტაილერ უაითი და ბექა ჩიკვილაძე გამოირჩნენ.