დღეს ბარბარობაა - მართლმადიდებელი ეკლესია წმინდა დიდმოწამე ბარბარეს ხსენების დღეს აღნიშნავს.

სადღესასწაულო ღვთისმსახურება ყველა მოქმედ ტაძარში აღევლინა. სრულიად საქართველოს კათოლიკოს-პატრიარქმა პარაკლისი მახათას მთაზე, ივერიის ყოვლადწმინდა ღვთისმშობლის ხატის სახელობის მშენებარე ტაძარში გადაიხადა, მრევლს დღესასწაული მიულოცა და ბავშვები დალოცა.

ღვთისმსახურების შემდეგ მშენებარე სამონასტრო კომპლექსში ზარები პირველად დაირეკა.

დღეს, რეორგანიზაციის შემდეგ საზოგადოება “ივერიისას” პრეზენტაციაც გაიმართა, რომელსაც უკვე გიორგი თვარაძე ხელმძღვანელობს. მისი განცხადებით, პროექტი ახალ ეტაპზე გადადის და მახათას კომპლექსს საგანმანათლებლო ფუნქციაც დაემატება.