17 დეკემბერს, ბარბარობის დღესასწაულზე საქართველოს კათოლიკოს-პატრიარქი მახათას მთაზე ივერიის ღვთისმშობლის ხატის მშენებარე ტაძარში პარაკლისს გადაიხდის და ბავშვებს დალოცავს.

პარაკლისთან ერთად, ივერიის ღვთისმშობლის ტაძრის სამრეკლოში პირველად დაირეკება ზარები. ასევე მოხდება საზოგადოება “ივერიისას” წარდგინება, რომელიც ფონდი “ივერიისას”რეორგანიზაციის შედეგად ჩამოყალიბდა.

მახათას მთის მშენებარე ტაძრისკენ ავტობუსები 10-დან 15-საათამდე უფასოდ იმოძრავებენ. თბილისის მერიის გადაწყვეტილებით, მსურველებს ავტობუსები ვარდების მოედნიდან, რკინიგზის გადასასვლელი ხიდიდან და მეტრო "ვარკეთილიდან" მოემსახურებიან.