ისევ შეზღუდვებია ფოთის პორტში. ოთხი გემი ბათუმის პორტში გადამისამართდა, ოთხი კონტეინერმზიდი კი ფოთის ნავსადგურში შესვლას ახლაც ელოდება.

ადმინისტრაციის ინფორმაციით, შტორმის გამო დაგროვილი ქვიშისგან გაწმენდა და პორტის გაღრმავებითი სამუშაოები ამ დრომდე მიმდინარეობს.

პროცესში ეკონომიკის სამინისტროს წარმომადგენლებიც არიან ჩართული. სამუშაოების ფონზე საკონტეინერო გადაზიდვების წარმომადგენლები მიყენებულ ზარალზე საუბრობენ და ხელისუფლების ყურადღებას ითხოვენ.

შეგახსენებთ, რომ შტორმის შედეგად შექმნილი პრობლემების გამო ბოლო ერთი კვირაა პორტი თითქმის პარალიზებულია.