საბერძნეთის დედაქალაქ ათენში პენსიონერებმა საპროტესტო აქცია გამართეს. აქციის მონაწილეებმა საპენსიო სისტემის მიმართ ხელისუფლებისა და საერთაშორისო კრედიტორების დამოკიდებულება გააპროტესტეს.

საბერძნეთის ხელისუფლებამ, შობის დღესასწაულთან დაკავშირებით, პენსიონერებისთვის, ბონუსის სახით, 600 მილიონი ევროს გამოყოფის შესახებ განაცხადა.

საბერძნეთის მთავრობის ინიციატივას საერთაშორისო საფინანსო ინსტიტუტების მხრიდან კრიტიკა მოჰყვა.

კრედიტორებმა საბერძნეთისთვის მოკლევადიანი სესხის მიცემის შეთანხმება შეაჩერეს. საპროტესტო აქციის მონაწილეებმა აღნიშნულ ქმედებებს პენსიონერების დაცინვა უწოდეს.