ენერგეტიკის მინისტრი მინსკიდან შეთანხმების გარეშე დაბრუნდა.

,,გაზპრომი” პოზიციას არ ცვლის და ქართულ მხარეს სომხეთისთვის მიწოდებული გაზის ტრანზიტში, ბუნებრივი აირის ნაცვლად თანხას სთავაზობს.

პირობა, რომელიც რუსული ენერგოგიგანტის მხრიდან შარშანაც იყო დაყენებული, ოფიციალური თბილისისთვის მიუღებელია.

ასეთ შემთხვევაში, საქართველო წლების განმავლობაში ტრანზიტის საფასურად მიღებული გაზის მოცულობის შეძენას ვეღარ მოახერხებს.

,,გაზპრომთან” გართულებული მოლაპარაკებებით რატი ხვისტანი დაინტერესდა.