უამინდობის გამო ფოთის პორტი გემებს რამდენიმე დღეა შეზღუდვით იღებს. ამის მიზეზი, ძლიერი ღელვის შედეგად სანაპირო ზოლზე დიდი რაოდენობით ქვიშის დაგროვებაა.

ამ დროისათვის რეიდზე დგას და ფოთის აკვატორიაში შემოსვლას ვერ ახერხებს რვა გემი. ნავსადგურის ინფორმაციით, იმისათვის, რომ არხი დაუბრუნდეს ჩვეულებრივ უსაფრთხო, სანავიგაციო სიღრმეს, მისი დაღრმავების სამუშაოებს ათი დღე დასჭირდება.

ნავსადგურის კაპიტანი ვითარებას სავალალოს უწოდებს. ტვირთგადამზიდავი კომპანიების წარმომადგენლები კი ზარალზე საუბრობენ და ხელისუფლების ყურადღებას ითხოვენ.