საქართველოს შეიარაღებული ძალების გენერალური შტაბის უფროსი, ბრიგადის გენერალი ვლადიმერ ჩაჩიბაია აშშ-ის საჰაერო ძალების აკადემიის კადეტებს შეხვდა. შეხვედრისას ბრიგადის გენერალი ვლადიმერ ჩაჩიბაია ამერიკელ სტუმრებს საქართველოს ევროატლანტიკურ ინტეგრაციის საკითხებზე ესაუბრა. საუბარი ასევე შეეხო კავკასიის გეოპოლიტიკასა და უსაფრთხოების გამოწვევებს.
ამერიკელი კადეტები საქართველოში 2016-201 აკადემიური წლის შემოდგომის სემესტრის განმავლობაში ქართულ-ამერიკულ უნივერსიტეტში სწავლობდნენ. სასწავლო პროგრამის განმავლობაში კადეტებმა სხვადასხვა შეხვედრა-დისკუსია გამართეს.
აშშ-ის საჰაერო ძალების აკადემიის სასწავლო პროგრამა ოთხ წელს მოიცავს და აერთიანებს აკადემიურ ცოდნას, სამხედრო წვრთნასა და ფიზიკურ გამძლეობას, რათა კურსდამთავრებული საჰაერო ძალების საუკეთესო ოფიცერი გახდეს.