ხანგრძლივი შერჩევის შემდეგ, აშშ-ის სახელმწიფო მდივნობის კანდიდატი ცნობილია. აშშ-ის არჩეულმა პრეზიდენტმა დონალდ ტრამპმა თანამდებობა გიგნატური ნავთობკორპორაცია “ექსონ მობილის” ხელმძღვანელ რექს ტილერსონს შესთავაზა.

ტრამპი ტილერსონს მსოფლიო დონის მოთამაშეს, მის კარიერას კი ამერიკული ოცნების განსახიერებას უწოდებს.

64 წლის რექს ტილერსონს რუსეთის ლიდერთან დაახლოებულ პირად იცნობენ, რაც დონალდ ტრამპმა კანდიდატების შერჩევისას მთავარ უპირატესობად ჩათვალა.

აღსანიშნავია, რომ 2013 წელს ტილერსონს პუტინმა “მეგობრობის ორდენი” გადასცა. დაამტკიცებს თუ არა სენატი ტილერსონის კანდიდატურას, არჩეული პრეზიდენტის ინაუგურაციის შემდეგ გახდება ცნობილი.