ბრძოლა სირიის ქალაქ ალეპოსთვის გადამწყვეტ ფაზაში შევიდა. გავრცელებული ინფორმაციით, ასადის ჯარმა მნიშვნელოვანი წარმატება მოიპოვა ქალაქის რამდენიმე რეგიონში და ახლა ქალაქის უმეტესობას სწორედ სამთავრობო ჯარი აკონტროლებს.

ასადის არმიის ერთ-ერთი გენერალი აცხადებს, რომ ამბოხებულებს არჩევანი იარაღის დაყრასა და სიკვდილს შორის აქვთ გასაკეთებელი.

გაეროს მონაცემებით, ასადის არმია ალეპოში დარჩენილ მოსახლეობას სახლებში უვარდება და მათი მიმართულებით ცეცხლს ხსნის. გაერო და ,,წითელი ჯვარი’’ მოუწოდებენ ასადის მთავრობას, მოსახლეობას ქალაქის მშვიდობიანად დატოვების უფლება მისცეს.